A finalidade desta asistencia é proporcionar apoio técnico á Dirección Xeral de Mobilidade nas diversas actuacións que vén realizando en materia de transporte público de uso xeral en Galicia e que teñen como función mellorar a súa sostibilidade e eficiencia. Cabe destacar dentro desta asistencia o apoio para a posta en marcha das Áreas de Transporte Metropolitanas actualmente activas en Galicia e análises de restruturacións de concesións vixentes.

De forma particular, a asistencia engloba as seguintes tarefas:

1. Tarefas relacionadas coas Áreas de Transporte Metropolitano:

• Programa tarifario.
  • Determinación do custo, para as diferentes administracións, da ampliación de áreas existentes ou implementación de novas áreas.
  • Cálculo e revisión dos niveis de compensación aos distintos operadores.

• Programa de oferta.
  • Análise ou formulación de propostas de mellora a petición da administración, incluíndo a análise da súa viabilidade económica e eficiencia, e determinar, no seu caso, os criterios técnicos e económicos de prestación.
  • Elaboración dos documentos técnicos que resulten precisos en procesos de licitación pública de novos servizos.
• Outras tarefas que requiran dun asesoramento técnico especializado en cuestións de mobilidade.

2. Tarefas relacionadas co sistema de transporte público regular permanente de persoas de uso xeral:

• Expedientes de modificación de contratos.
  • Análise das propostas realizadas polos operadores e emisión de informes nos que se inclúa a formulación de alternativas centrándose na revisión económico-financeira de cada unha das propostas.
• Análise da prestación de servizos de transporte público de uso xeral e emisión de informes solicitados pola Administración.

3. Tarefas relacionadas co sistema de transporte público regular de duración temporal de persoas de uso xeral:

• Elaboración de anteproxectos de prestación de servizos regulares de duración temporal, así como toda a documentación técnica que resulte precisa para a súa adxudicación.

4. Outras tarefas:

• Emisión de informes técnicos sobre materias vinculadas á Dirección Xeral de Mobilidade en relación co transporte público de persoas.
• Análise e formulación de propostas sobre actuacións puntuais e programas piloto en materia de transporte público de persoas que a Dirección Xeral de Mobilidade poida levar a cabo.
• Elaboración de informes e ditames de contido económico sobre reclamacións formuladas ante a Dirección Xeral de Mobilidade.