Que facemos
FERROCARRIL
Acompañamos as administracións públicas e as entidades privadas na planificación de proxectos ferroviarios. Achegamos a análise técnica na que se sustenta a toma de decisións. Este traballo abrangue o cálculo da demanda, a viabilidade económica e o deseño e a explotación do servizo en coherencia coa realidade do territorio.
Contamos cun equipo especializado en afrontar os retos da planificación de proxectos ferroviarios. Esa experiencia e capacidade técnica permítennos abordar actuacións complexas con solvencia e rigor.
Planificación de redes e servizos
Deseñamos alternativas para reorganizar redes e servizos ferroviarios que respondan de forma eficiente ás necesidades de mobilidade da poboación, tendo en conta a conectividade do territorio e a integración con outros modos.
O noso enfoque combina a análise técnica coa visión estratéxica de cada proxecto.
Modelización e análise da demanda
Calculamos a demanda do proxecto mediante software avanzado de modelización, tanto de viaxeiros como de mercadorías. Isto permite coñecer, analizar e prever os patróns de mobilidade actuais e futuros.
Desenvolvemos escenarios que apoian a toma de decisións, avaliando o impacto de novas infraestruturas ou a modificación e adaptación das xa existentes.
Estudos funcionais de operación ferroviaria
Analizamos e deseñamos o modelo de explotación do sistema ferroviario en sintonía coa infraestrutura dispoñible e/ou proxectada.
Deseñamos esquemas de operación que definen servizos, frecuencias, capacidades e necesidades de material rodante e infraestrutura.
Avaliamos a viabilidade operativa das solucións propostas, garantindo a súa coherencia coa demanda, a infraestrutura e os obxectivos de cada proxecto.
Estudos de viabilidade do proxecto e rendibilidade económica
Calculamos e avaliamos a viabilidade económica dos proxectos ferroviarios analizando custos, demanda prevista e sustentabilidade financeira.
Ademais, mantémonos permanentemente ao día dos aspectos normativos, que inciden directamente na explotación e no cálculo da viabilidade dos proxectos ferroviarios.